OASIS

OASIS

Vide Avasis. Erat autem urbs gemina in medio Libyae, teste Strabone. Minor Alzagar, teste Bariô, longitud. 60. 15. latitud. 26. 45. Maior Gademez, Zeiglero, longitud. 59. 30. latitud. 23. 30. Haec abest a Thebis Aegypti itinere septem dierum in occasum teste Herodotô, qui ait Samios eam urbem tenuisse. Oassis dicitur libr. Concil. Baudrando magna, magis ad Meridicm nunc Alguechet quibusdam, parva, Eleocath, seu Eleochet, magis ad Septentrionem 90. mill. pass. a magna distans: utraque in Barca. Sed haec tantum ex coniectura, suntque loca in mediis Libyae arenis, aquâ et vinô abundantia, illicque habitantibus apta. Vide Zozimum l. 5. et Olympiodori excerpta. Hûc Eugenius et Macarius, ab Apostata Iuliano relegati: Hilarius quoque eôdem se recepit, et in eodem deserto Nestorius exul obiit. Vide etiam Hieronym. in vita Hilarion. Nicol. Sansonis Geogr. etc. Patria Apionis. Vide ibi.